Study karte time mind fresh kaise kare

Doston kya aap study karte time lazy feel karte ho ya aap bore ho jate ho, Kabhi nind aajati hai. Aise me khud ko fresh kaise rakhe ye sochte honge na. So doston hum aapki jankari ke liye bta de ki study karte time mind ka activate hona bahut jaroori hai or ye tab hota hai jab aapka mind fresh ho.
Socho jara doston agar aapka mind or body already thaka huya ho to kya aap achi study kar payenge or kya study karne ka mann bhi karega. Agar aap forcefully study bhi karna chahoge to yaad kiya huya bhi jyada der tak mind me nhi rahega. So better hai agar aap study fresh mind ke sath hi kare aur aapke liye hum share karne ja rahe hai kuch Tips Jo Aapne Mind Ko Fresh Kaise Rakhne par hai. So lets have a look on it…

fresh mind wallpapers images pics pictures

Meditation

Doston meditation sunte hi aapke dimag me kya chalta hai. Pakka yehi ki concentration, dhayan etc. hai na? Sahi sochte ho but agar aap shant jagah par baith kar 15 minutes meditation kare to aapka mind ekdum fresh ho jayega. Agar aap morning parnayam kare to ye bhi ek useful tips hai. Ek deep breath bhi apko fresh karne me kamiyab ho sakti hai. So, daily 15 minutes ya usse jyada meditation kare. Agar aap meditation nhi karna chahte to straight baithe aur 10 min tak deep breathing kare, aap firse fresh feel karenge. Meditation hai hi aisi cheej ki jo bhi karta hai kamal ka result pata hai kyuki meditation sirf aapko fresh hi nhi karti balki aapki memory power bhi increase karti hai jo ek student kr liye kafi jyada important hai.

Drink Lots Of Water

Pani hum din me tab pite hai jab hume pyas lagti hai. Jo ki bilkul galat baat hai doston, hume thoda-thoda karke paani pite rehna chahiye or iske liye hume pyas lagne ka intezar nhi karna chahiye. Paani pine se body me dehydration ki kami nhi hoti, dusra mind bhi fresh rehta hai aur 3rd jyada pani pine se humari skin glow karti hai. To kon nhi chahega pani pina. Bas aaj se hi start ho jaeye or jyada se jyada pani piye. So guys drink lots of water.

Practice Yoga

Yoga aaj ke time par students sirf competition ke purpose ke liye karte hai but jo daily use me karta hai unko bahut hi benefit hota hai. Yoga karne se hum mind and body dono se completely healthy or fresh rahte hai. Yoga karne se sharir nirog rehta hai or mind bhi har time active rehta hai. Mann shant rehta hai or aise me agar aap study kare to apko khud maja ayega or har ek choti se choti baat bhi jaldi se yaad hogi. Agar itne fayede hai to kya aap nhi chahenge Yoga karna and ab to medically bhi doctor apne har paitent ko Yoga prefer karta hai kyuki usse mostly paitents ki half problem hi khatam ho jati hai, isliye me to aapko yehi kahuga ki Start Yoga as soon as possible.

Eat Something Healthy

Study karte karte ya to hume bhuk jyada lagti hai ya to bilkul bhi nhi lagti. Agar aap study break ke time par kuch kha lete ho to vo health ke liye thik rehta hai but agar aap oily ya junk food khate hai to vo health ke liye ulta askar karega. Isliye kabhi bhi bhuk ko avoid nhi karna chahiye or humesha healthy food khana chahiye jiski vajah se aap fresh feel karenge or apni study ko ek new energy ke sath continue karege. So always eat something healthy during study.

Study In The Morning

Doston main to aapko yehi advice dunga ki kahi bhi jane se pahle study early morning me hi kare. Humesha early night soye or study karne ke liye early morning uthe. Early to bed, Early to arise, Makes a man, helthy, weathly and wise. Ye bachpan me sikhaya gaya tha shayad aapko bhi yeh yaad hoga lekin sirf yaad rakhne se kuch nhi hoga, ise follow karna bhi jaruri hai. Early morning study karne se aap fresh feel karenge or study bhi ache se hogi. Scientifically ye proof huya hai ki early morning me study karne par hume sab jyada ache se yaad rehta hai isliye daily morning study jarur kare.

Study Breaks

Aapko to pta hoga doston breaks during study lena kitna hi important hai. Nhi pta to hum btate hai ki continuously study karne se aapko jyada yaad nhi hota hai balki dheere-dheere aap piche ka bhulne lag jayoge. Agar aap chahte hai ki yaad kiya hua aap na bhule to study ke time break jaroor le. Study ke bich me breaks kafi jaruri hoti hai isiliye to schools me bhi break di jati hai, so that aapka mind ekdum fresh ho jaye. Afterall, It’s good for health. Iss break me aap walk kar sakte ho, kuch healthy food kha sakte ho, tv dekh sakte ho, video game khel sakte ho, etc. etc. kar sakte ho jisme aap fresh feel kare or apne mind and body ko fresh karke dubara se energy se bhar sakte ho. Aap fully activate ho kar aap apni study continue kar sakte ho isliye study ke bich me breaks lena na bhule.

Soft Music

Aap jab sab kuch try karle fir bhi aapka mind fresh na ho raha ho to Music ek bahut awesome option hai mind ko fresh karne ke liye. Aap study ke bich me fresh music sune or thodi der relax kare isse aapko kafi acha feel hoga kyuki Soft Music humare mind me anxiety (Stress) level ko kam karta or hum relax feel karte hai jisse humare andar ek new energy bhar jaati hai or humare liye study karna bada hi easy ho jata hai isliye jab bhi moka mile thodi der ke liye Soft Music jarur sune.

Study ke time fresh hona bahut jaroori hai nhi to ek din ki study bhi waste ho sakti hai agar aap aisa nhi chahte to aap humare diye gaye tips ko use kar sakte hai or mind fresh rakh sakte hai. Agar aapko humara ye topic pasand aya ho to pls like karna or share karna na bhule. Thanks for visiting our site happy.

43 Comments

Add a Comment

Your email address will not be published. Required fields are marked *