Simple Math Sikhne Ke Asan Tarike in Hindi

Maths ko bahut se log hawa samjhte hai. Childhood se hi usko lekar fear ka mahol bana diya jaata hai. Yahi reason hai ki students isse dur bhagne lagte hai. Kuch log to math ka naam lete hi kampne lagte hai, aise logo ke liye math ek taraf se Math fear se kam nahi hai. Sweat ka aana, jaldi jaldi breath lena, heartbeat ka tez hona, clear bolne me problems ka aana, tense hona etc. etc. iske symtoms hai. Math ko lekar humari society me kuch ajeeb thinking famous hai, jaise math ek main theme hai, other subjects ki tulna me math jyada tough hota hai, isse monotonous subject samjha jaata hai, math ke teachers bahut focus hote hai, vo haste nahi hai etc etc. Issi tarah se ladkio ke bare me ye belief karte hai ki ladkia math me kamjoor hoti hai. Doston aisa nahi hai ki pahli baar school jaane vale bachhe math se anjaan hote hai. Vo rupees – paisa samjhte hai, tofee and rotia gin sakte hai. Vo market se lemonjuice ya khatimitti goliya kharidne ka experience rakhte hai. Iske alava unhe kam jyada, halka bhari or door paas ka bhi kuch kuch knowledge hota hai. Phir aisa kya ho jaata hai ki school pahunchte hi bachho ki samjh gadbada jaati hai? Iska matlab hai ki kahi na kahi uss process me kami hai, jiske jariye bachhe ka math se introduce karvaya jaata hai. Iske kai reasons ho sakte hai teacher ka dhang se na padhana, teacher ka rough behavior, punishment se dar, stress of parents etc.  Jyadatar teachers schools me math padhane se bachte bhi hai, khaskar primary schools me, jahan ek teacher par sabhi subjects ko padhne ki responsibility hoti hai. iske bhi kai reason ho sakte hai. Jaise ki teacher ko math ke concepts ka clear na hona, teacher ka math ko ek abstract subject manna, jisse sirf blackborad or chowk ke through hi padhaya jaa sakta hai. Maths ek aisa subject jo samjh ajaye to jindagi me fun, enjoy aur study me interest bana deta hai lekin agar samjh na aaye to study se nafrat karwa dete hai. Hum apni site par students ke liye alag alag topics dalte hai, aaj ka topic bahut important hai. Aaj hum baa karenge ”Math Sikhne Ke Asan Tarike in Hindi” par to chaliye badhte hai apne topic ki taraf..

hand drawn effect lettering spelling mathematics surrounded by various math related symbols

Academics ka manna hai ki math ke liye fear ya interest jagana kaphi hadd tak teacher ke sikhane ki techniques par depend karta hai. Agar bachho ko unke starting knowledge se jodte hue unhe unke aas paas paai jaane vali things, pictures etc. ke through interesting way se math ki practice karaya jaaye, to naa sirf vo aasani se usse adapt karega, balki uske fear se bhi puri tarah se mukat ho jayenge. Iss article me primary level par bachho ko math padhane ke liye interesting or practical methods ko share kiya gaya hai, jiske through bachho ke mann se math ke fear ko nikala jaa sakta hai or unke liye math ko bhi ek enjoyful subject banaya jaa sakta hai. Aaj hum share kareng ki kaise Maths me interest banaya jaye aur kaise sasani se maths ko sikha ja sakte hai with simple techniques aur tarike.

  • THE FIRST INTRODUCTION OF MATHEMATICS

Bachho ko math sikhane ke liye sabse best way yahi hai ki pahle unhe things ke through har cheez ka experience karvaya jaaye, phir pictures ke roop me usse blackboard par laya jaaye, then usse number roop me displayed kiya jaaye. Aisa karne par vo math se fear nahi honge or simple roop me math ke har roop se include ho jayenge. School aane vala every student marbles, ball, tamarind seeds, paiso se well aware hota hai. Hum inke through different type ke game khelte hue bachho ko math ka introduction de sakte hai. Check out below ki vo kon se game ho sakte hai…

THE ENTERTAINING GAME COUNTS

  • Bricks ke kuch tukde, jinhe gippl kehte hai, iktha karke unhe ek ke upper ek rakhe or phir bachho ko two teams banakar unhe ball dekar thodi door se usme nishana lagane ko kahe. Iske liye har bachhe ko 5 times chance de or har baar unhe count karne ke liye kahe. Jo bachha nishana lagakar gipplo ko gira de, uske liye sabhi bachho se clap bajvaye. Ye bhi dekhe ki ball lagane se kitni gippl girti hai. Giri hui Gippl ko count karvaye or unhe ek jagah likhte jaaye. Iss tarah se vo bhi dekhe ki ek team ke kinte bachhe nishane lagane me kamyab hote hai o kitne bachhe nishana nahi laga paate hai. Sabhi logo ki alag alag ginti karvaye. Jab ek team ke bachhe apni chance chal le, to dusri team ko moka de. Jiss team ke bachhe jyada baar gippl ko gira de, unhe winner announce karva diya jaaye.
  • Ek chote se circle me bahut sare marbles rakhe or thodi doori se bachho ko marbles ke through unme nishana lagane ko kahe. Nishana lagane par jitne marbles circles se bahar chale jaaye, vo marbles nishane lagane vale bachho ko de de. Vo jor jor se bol kar sabko btaye ki usne kitne marbles jeete. Iss tarah jo bachha sabse jyada marbles circles se bahar nikalega, usse winner announce kare. Ye game team ke roop me bhi khela jaa sata hai.
  • Bachho ki do team me divide kar unhe equal marbles de. Iske baad ludo ka paasa lekar ek team ko chalne ko kahe. Jo team paasa chalegi, vo usme aane vale number ke equal marbles dusre team se le legi. Uske baad dusri team ki baari ayegi. Vo bhi ais ahi karegi. Jo team dusre ke saare marbles jeet legi, vo winner ho jayega.
    Iss game ke through bachho ko 1 se lekar 9 tak ki counting ke bare me btaye. Jab bachhe in counting ko samjhne lage to unhe ‘bol bhai kitne’ khel khelvaye. Issme sabhi bachho ko ek jagah group me khada kar de or puche – bol bhai kitne? Bachhe jawab dene – aap chahe jitne. Do teen baar iss process ko karne ke baad 1 se lekar 9 tak ki koi bhi number bole.
  • Jab bachhe 1 se lekar 9 tak ki counting puri tarah se samjh le, tab unhe btaye ki in number ko kiss tarah se likha jaata hai. Unhe ye bhi btaye likhne ki jaroort isliye padhti hai jisse ki yaad rakhne me aasani ho. Jaise ki ramesh ne gippl vale game me 5 baar ball se sahi nishana lagaya, marbles vale game usne 8 marbles bahar nikale or 5 baar uski team paase vala game jeeti. Ab agar ghar par apne parents ko ye baat btani ho, to vo ghar jaate jaate bhul na jaaye, isliye unhe ani copy me likh sakte hai. Iske liye vo marbles, ball or paase ke picture banakar unke aage un number ko likh sakta hai, jitni baar vo uss game ko jeeta hai. Bachho ko ye bhi btaya jaaye ki likha hua number hamesha safe rahti hai or jaroort padhne par kabhi bhi dekhi or padhi jaa sakti hai.

ADD-SUBTRACTION GAME:

  • Jab bachhe counting ko samjhne lage or unme counting ki understanding paida ho jaye, to unhe jod ghatane ke liye game khilvane chahiye. Iske liye upper games ko bhi add kar sakte hai. Jaise ki gippl vale game me ek hi team ke member ne kitne baar gippl girane me kamyabi paai. Agar ek bachhe ne ek se jyada baar gippl giraye, to total kitni gippl giri. Issi tarah dusre games ke through bhi jod ka khel karaya jaa sakta hai.
  • Subtraction ki samjh ko develop karne ke liye bhi inhi games ka use kiya jaa sakta hai. Jaise ki ek team ne dusri team se kitni jyada baar match jeete. Ek player ne dusre player se kitni jyada gippl giraye. Ya phir kal ke comparison me aaj kitni kam ya jyada gippl giraye
  • Iske liye ek different game bhi khela jaa sakta hai.  Iss khel me bachho ko do team bana kar unhe alag alag paase de diye jaaye. Dono teams apna apna paasa chale or unme jiss team ke paase me jyada number aaye, vo dono paaso ko number ko aapas me add ya subtract kar aai hui number ke brabar marbles dusri team se le le.
  • Starting me add-substract ke liye choti choti numbers ka hi use kare. Jab bachhe add/subtract ke system ko samjh jayenge, to unhe usko likhne ka tarika samjhaye or unhe add/subtract ke sign ke baare me btaye. Jab bachhe isse samjh jaye, to unhe aaspaas ki things ko aaps me add/subtract ke liye inspire kare.
  • Jab bachhe iss game me expert ho jaye to unhe paise ka example dekar bhi ye khel karaya jaa sakta hai. jaise 5 rupees ke seeke lekar ye btana ki agar sonu ne 2 rupees ki do toffiya kharidi, to unke paas kitne rupees bachenge. Ya phir ki agar usne 2 rupees ki toffee or do rupees ki khatimithi goliya kharidi, to usne total kitne rupees kharch kiye or uske paas kitne rupees bache.

So guys yahan example ke through humne bahut si game bachho ke liye present ki hai. Umeed karte hai ki aapko aaj ka article pasand aaya hoga. Agar aapke paas or kuch idea hai to aap hume niche comment kar sakte hai. Thankx for visiting our site and to get more information about other articles. Do like and share our page on social media, follow us on Facebook. Stay tuned with us. Be happy.

4 Comments

Add a Comment

Your email address will not be published. Required fields are marked *