Padhne Ke Liye Preparation Kaise Kare

Hello doston…. kaise ho aap? I hope sab badiya honge aur humare articles aapki help jaroor kar rahe honge. Isi ko dhayan me rakh kar hum aapke liye ek aur article laye hai or aaj ka humara article hai “Padhne ke liye preparation kaise kare”. I know doston…. aise kafi students hai jo padhna to chahte hai but padh nhi paate. Reason kuch bhi ho sakta hai like distractions, padhai me mann na lagna, not interested in study, study time medifferent problems ka aana etc. etc. but fir bhi hume padhna to hota hi hai ab exam me paas to sabhi ko hona hota hai na, to doston kyu na padhai ko hasi hasi apnaya jaye…

study kaise kare wallpapers tips

Padhne Ke Liye Preparation Kaise Kare

Aaj aapko new ideas milenge or aapka padhne me apne aap hi interest aane lag jayega. Bas hume doston padhne ka tarika thoda change karna padega or masti se bhara huya karna padega. Good marks ke liye aapko regular study karna bahut jaroori hai. Tabhi aap apne class study ke sath match kar ke chal payoge. So doston hum aapke liye aaj laaye hai padhne ke liye preparation karne ke amazing topic par kuch awesome Tips. To chaliye padhte hai wo awesome tips…

Regular Class Attend Kare

Regular se ye matlab nhi hai ki daily mann maar ke school jana or class attend karna. Regular class attend karne ka matlab hai ki aap mentally or physically fully prepared ho ke school jaye or sare class attend kare. Isse aapke future exam or test me aapko jayada hard work nhi karna padega but agar aap apni class me fully attention pay karenge to. Hume sirf apni school studies ke sath continuously form me rehna hai or sab kuch cover karna hai. Hum bhi kabhi student the or hume bhi pta hai ki kabhi mann nahi karta tha school jane ka, na hi padhne ka but humne baad me realize kiya ki hum school na jaa kar kitna kuch miss kiya karte the. Agar aap bhi humari tarah kuch important miss nhi karna chahte or study ko regular rakhna chahte hai to mann se padhai kare or daily kuch na kuch padhte rahe.

Concentration And Focus

Padhne ke liye concentration or focus, in dono ka hona bahut jaroori hai. Bina concentration ke or focus ke padhai almost impossible hi hai or doston concentration or focus badhane ke liye meditation ko jaroor try kare. Isse aap mentally strong honge or padhai ko aap easily bina kisi stress ke kar sakege. Aur har roj 5 min akele me khud se baat kare aur soche ki aapke liye padhna jaruri kyu hai? Isse aapka mann padhne ki taraf laga rahega or aapko study karne me kabhi bhi problem nhi aayegi.

Sahi Time Table Ka Hona

Padhai karne ke liye balki ache se study karne ke liye or acha result paane ke liye sahi time table ka hona bhi bahut jaroori hai. Bina time table ke study regular nhi ho paati hai or kabhi na kabhi kuch miss to ho hi jata hai. To koshish kare ki pahle time table create kare then time table ko follow kare or apni study ko continuous rakhe.

Ratte(Cram) Nahi, Notes Banaye

Study karne ke liye agar aap cramming (ratna) ko good method mante ho to hum aapko ye btana chahte hai ki ye bilkul hi bekar method hai. Instead of this, aapko har subject ke notes prepare karne chahiye. Cramming karne se hum sara kuch bhul jate hai or result bekar nikalta hai but brief notes banane se even revise karne se bhi sabhi important points, sab kuch yaad rehta hai or result bhi best of best nikalta hai.

Creative Techniques Ko Use Kare

Agar students study kar kar ke bore ho chuke hai to, unhe apne chapters ko various types of games me convert kar dena chahiye like repetition, flash cards and mnemonics. Students ko kuch aisi creativity karni chahiye jisse study karne me enjoy feel ho or study ki study bhi hoti rahe. Apne notes ke sath students ko aaram se baithna chahiye or baar baar usse likhte rehna chahiye. Isse likhne ki habit ban jati hai, speed bhi tej hoti hai aur yaad bhi easily ho jata hai. Aapko har bar new ways dhundhne chahiye jisse aapko padhne me maja aaye or aapko padha huya jyada time tak yaad rahe.

Khane Or Sone Ka Dhayan Rakhe

Apne exam ki preparation karne ke chakar me hum jaise students mostly yahi mistake karte hai. Ya to vo achi neend nhi lete padhne ke chakar me ya phir dhang se khana nhi kha pate hai. Mostly students ye sochte hai ki sone se time waste hota hai. Students yahi believe karte hai but unko ye nhi pta ki 6-8 hours ek din me sona kitna important hota hai. Unhe apni diet ka bhi care rakhni chahiye. Students ko junk food avoid karna chahiye and instead aisa food khane chahiye jisse unhe brain me longer period of time ke liye energy provide ho like fruits, juice, light & healthy food.

Old Exams Ki Practice Kare

Padhne ke liye best preparation karne ka tarika yehi hai ki aap past versions matlab purane exams ki practice kare. Ye tabhi kare jab aapki apni exam preparation puri tarah ho chuki ho. Isse aapko questions ke format ka pta lag jata hai isliye agar aap apne liye time nikale to aap vo time purane exams ko practice karne ke liye hi nikale. So doston ye aapke hath me hai ki aapne time ko kaise spend karte hai or kaise usko apne liye benefitial banate hai.

I hope aapko humara aaj ka article pasand aaya hoga. To isse like and share na bhule. Hamari yahi umeed hai ki humare sare article aapke liye helpful rahe. Apni baat kehne ke liye ya kuch bhi share karne ke liye aap hume niche comment kar sakte hai, baad me pachtane se acha hai ki abhi kuch kiya jaye. Stay tuned with us to get more information about other articles. Thankx for visiting our site and BE HAPPY.

6 Comments

Add a Comment

Your email address will not be published. Required fields are marked *