Exam Me Top Karne Ke Liye Kaise Padhe

Aaj hum aapko btayege ki Exam Me Top Karne Ke Liye Kaise Padhayi Karni Chahiye. Exam ke time har student ki ek hi pareshani rehti hai ki Padhai Kaise Kare, exam me ache marks kaise laye. Aapko bhi kafi baar pareshani hoti hogi ki aap padhte hai, par exam ke time sab bhul jaate hai. Asal me friends, aisa tension ki vajah se hota hai. So aaj, isi important topic ke upar hum behad important tips lekar aaye hai, jinhe padh kar aap exam se bilkul nahi darenge balki Achi prepration ke saath exam me ache marks gain kar sakenge. Chaliye jante hai, Exam Time Study Ke Baare me kuch important tips.

Exam Top Karne Ke Tips

Yhan hum aapko kuch points bta rhe hai aur unhe detail me explain bhi kar rhe hai, jinhe follow karke ek average student bhi easily class ke toppers ki list me aa sakta hai. Aapko bas jrurat hai concentration and seekhne ke junoon ki.

Study padhayi Karti Huyi ladki Ki Photo

  1. Daily Class Attend Kare

Dosto agar aap exam ke end time par tension nhi lena chahte or book ki pure syllabus se bachna chahte hai to uske liye jaroori hai ki aap daily school or college me classes attend kare. Aisa karna isliye jaroori hai kyuki jab hun jarurat se jyada cheejo ko ek sath sikhne ki koshish karte hai hume nakami ke alava or kuch nhi milta or vohi cheejo ko jab hum thoda thoda karke classes me samajhte hai to hume aasani se samajh aa jaata hai aur humare dimag me set ho jata hai, jise hum agar mahine baad bhi padhe to hame dhayan rahta hai or study karna humare liye easy ho jata hai. So ek time par bhut saara tension lene se acha hai ki aap regular sab classes attend karo and tension free rho.

  1. Time Table Set Kare

Bahut se aise students hote hai jo exam se ek ya do week pahle hi apni study start karte hai, aur kuch shortcuts ke dum par exams dene nikal padte hai. Par agar aap sach me apni life me kuch bada karna chahte hai to aapke liye ye tarika bahut hi bura tarika hai, ise padhayi nahi kehte, ye sirf paas hone ka ek tarika hai, jisse students exam me to paas ho jaata hai par kuch seekhta nhi aur fir baad me jab Competition exams dene padte hai tab unhe kuch samajh nhi aata aur fir puri zindagi afsos manate hai. Jab aapka year ya semester start hota hai usi time se aapko apna ek Subject wise time table banana chahiye kyuki vo decision aapka result aur aapki life badal sakta hai. Ek din me jayada padhne se acha hai ki rozana thoda-thoda padh kar exam tak yaad rakhe or iske liye time table ka hona bahut jaroori hai. Iski help se apko exam ke time me raat-raat bhar jagna nhi padega, aapko sirf revision hi karni padegi aur aap aasani se ache marks se paas hoge.

  1. Exam Ke Time Tension Na Le

Bahut se students ko exam ke time tension hone lag jaati hai. Exam ke time vo itna jada padh jaate hai ki likhte time vo sab bhul jaate hai. Aisa tab hota hai doston jab aap apna confidence kho dete ho or confidence  na hone ka effect aisa hoya hai ki aapko sab kuch aate huye bhi exam ke time aapse kuch bhi likha nhi jata kyuki aapko lagta hai ki aap sab kuch bhul gye ho hai. Aapke sath aisa kitni baar huya hai ki exam me aapko koi answer yaad nhi aata par jab aap exam khatam karke bahar aakar apni book check karte ho to aapko yaad aata hai ki aapko to wo answer pta tha? Ye sab sirf confidence ki kami or tension se hota hai isliye aapko tension free rehna chahiye. Upar diye gaye dono Study tips is point se directly related hai. Agar hum daily classes nhi attend karte aur ek time table ke hisaab se nhi chalte to exam ke time hume tension, nervousness hone lag jaati hai. Iske liye jaroori hai ki jab bhi hum padhayi kare to uss time hamara mann healthy, active aur relax rahe. Aisa isliye, kyuki padhte time hamare mann ka lagna bahut jaroori hai. Or agar mann na lage tension hone lage to sabse behtar tarika hai kuch der MEDITATION kare ya fir thoda SOFT MUSIC sune.

  1. Group Study Kare

Padhayi karne ka ye ek best tarika maana jaata hai. Aap group study kare friendz ke sath, Group study karne se aapko new idea aane lag jate hai jo aapko exam ke time help karte hai aache marks lane me. Group study ek behad acha option hai jisse mind me new ideas aate hai or saath ki saath thodi masti bhi ho jati hai friendz ke sath or mind bhi fresh rehta hai, jo exam ke tension waale mahol me bhut acha hota hai. Group study se exam ka pressure bhi kam ho jaata hai aur koi aisi cheez jo aapko samajh nhi aati use aapke friends aapko aasani se samjha dete hai.

Note: Kyi baar aisa bhi hota hai ki Group Study ke naam par students saath study ka plan to karte hai but vo study se jyada idhar udhar ki baate karte hai aur bhut important time barbad karte hai, so aap dhyaan rakho ki aapke saath aisa kuch na ho. Ek baat yaad rahe.. Dost aapke hamesha saath rhenge par exam me jyada marks lene ka chance fir kabhi nhi milega so important cheez par focus karna samajhdari hogi.

  1. Early Morning Study

Bahut se students raat bhar jaag kar study karte hai par fir bhi unhe kuch yaad nhi rahta. Aisa isliye hota hai dosto kyuki raat khana kha ke hume neend defiantly aati hai or neend ki jagah jab hum study karne bethte hai to vo thoda impossible vala kaam ho jata hai. Iske liye hum aapko ye salah denge ki aapke padhayi ka time subah ka fix kare, raat ko jaldi so jaaye aur subah jaldi 3 ya 4 baje uth kar padhayi karo. Early morning ke time me aapki Grasping power jyada hoti hai aur ek baar padhi huyi cheez bhi aasani se yaad rehti hai. Agar aap regular subah 2-3 ghante bhi padhayi karte hai to aap exam me aasani se top kar sakte hai.

  1. Keep The Distractions Away

Ye ek aisa point hai jise samajhna aaj ke youth ke liye jitna jaruri hai utna shayad kuch aur nhi. Aksar dekhne ko milta hai ki students padh bhi rhe hote hai aur phone par friends ya boyfriend / girlfriend ke saath chatting kar rhe hote hai ya facebook use karte hai. But ye sab cheez aapko padhayi se distract karti hai aur concentration kharab karti hai isliye aap jab bhi study ke liye baitho us waqt apne phone ko silent karke kisi aisi jagah rakh do jha aapki najar na pade aur aap phone aasani se chek na kar sako. Success ke liye Distractions free Environment hona bhut jaruri hai so aap apne aap se promise karo ki exam time par phone ka use kam se kam karoge aur study ke time par to bilkul bhi nhi.

To friends ye the Exam time par study karne ke aur Exam me top karne ke kuch jruri tips, jo inhe theek se samajh gya aur follow karna start kar diya usko success milna 101% sure hai. So let’s Get success! Be Intelligent and have success in life.

513 Comments

Add a Comment

Your email address will not be published. Required fields are marked *