Exam Ki Best Preparation Kaise Kare

Hi friend, TopperGuru.com par aapka Swagat hai. Exam time koi bhi ho, har student ke liye kafi stressful rahta hai. Stress agar hum par haavi ho jaye to ye problem create karne lagta hai aur hamare test ya exam ke performance par bhi kafi bura asar dalta hai aur koi bhi student aisa hargis nhi chahega. Agar aapke exam ko kuch weeks hi reh gaye hai to doston yahi time hai jab aapko study par kafi jyada focus karna chahiye. Yahan hum aapko kuch bhut powerful advice dene waale hai jo stress ko kam karne me aapki definitely help karenge. So dosto ab baat karte hai un tips ke baare me.

Examination Ki Taiyari Ke Tips

Friends exams ki taiyari ke liye sabse jaruri hai, sahi time par study start karna aor uspar ache se focus karna, taaki aap har subject ke har important question ko theek se padhe, samajhe aur yaad kar sake.

Exam Ke Liye Preparation Kaise kare Tips in Hindi

Agar aapne der kar di to aap puri taiyari nhi kar payege and iska result kya hoga shayad aap kafi ache se jante hai. Aaj kal ka time bhut-bhut hi jyada competition ka hai, so aapko apna acha Future banane ke liye best of the best study karni hogi. So start preparing for the exam at the right time. Now let’s see, How to prepare..

  • Apne Tests And Assignments Ko Prepare Kare

Ye bahut hi awesome tareeka hai apni chinta ko dur karne ka. Sabse pahle exam ke liye cramming (ratna) ko avoid kare. Cramming se dosto anxiety yaani ki chinta ka level or bhi high bhi ho jata hai or aap jayada se jayada chizon ko yaad nhi kar paate hai. Jo aapko pehle class tests huye unme aane waale sabhi questions ko dhyaan se padhe aur samajh kar yaad kare. Jab tests waale question prepare ho jaaye uske baad Assignments open kare and puri assignment ke ek-ek question ko dhyaan se samajh kar padhe, agar samajhne me koi problem ho to un questions ki list bana kar apne teacher ya senior ya class ke kisi intelligent student se jarur samajh lein. Tests and Assignments ke questions sabse jyada Important hote hai, so never ever ignore them.

  • Prepare Last Year Question Papers

Test and Assignments ready karne ke baad aapka next step hai last 5 years ke question papers collect karne. Dosto question papers are the most easiest way to win the examination war. Pichle kuch saal ke question papers dekh kar aapko andaza ho jayega ki aapke exam me konse questions aane waale hai. Aapko wo sabhi question papers ke ek-ek question ko solve karna hai aur dhyan se relax mind ke saath yaad karna hai. Dhyan rahe mind par pressure nhi aana chahiye kisi bhi tarah ka, varna aapko yaad karne me problem hogi isliye khud ko ekdum mentally relax rakh kar padhayi kare.

  • Take Rest and Observe The Syllabus

Jab aap Tests, Asssignments and previous year question papers ko ache se prepare karle, uske baad ek chota sa rest le aur full masti kare or sirf apne dil ki sune, koi movie dekhe ya bahar khi ghumne ke liye jaaye. Log aisa nhi karte but ye jaruri hai because aisa karne se aapke mind ko new fresh energy milti hai and aap nyi cheez aasani se seekh paate hai. Uske baad ab baari hai syllabus ki, aapko apna syllabus jarur pata hona chahiye taki aapki exams ki taiyari me koi kami na reh jaaye or aapko baad me pachtana padhe. Ek baat yaad rahe ki yeh jaruri nhi ki  jyada padhne se hi hum safal honge, acha padhne se safal hone ke sabse jyada chances hote hai. So start preparing your syllabus.

  • Apna Attitude Change Kare

Aapka attitude zindagi me success ki kasbe important key hai or yeh sirf aap par hi depend karta hai ki aap kaisa attitude rakhte hai. Apne attitude ko positive rakhe, aisa karne se aapka way of thinking bhi change hogi about taking tests. kabhi bhi koi ek exam aapka future or aapki life ki success ko decide nhi karta hai, par iska matlab ye nhi ki aap use mazak samajh le. Aapka changing attitude aapko study or learning me help karega. Ek positive attitude aapko zindagi me success ki taraf le jayega or jab aapki best preparation hogi to aapko anxiety bhi feel nahi hogi.

  • Flow Charts And Diagrams Ko Use Kare

Revising ek bahut badhiya tareeka hota hai exam ki prepration ke liye. Jab bhi aap koi topic start kare to khud ko challenge kare, jo bhi aap already us topic ke bare me jante hai usko khud yaad karke dekhe, jaha bhi aapko koi doubt ho use vahan par highlight kare. Doston aap diagrams or charts ki help se apni study or learning way ko or easy bana sakte hai. Isse aapko exam ke time sab kuch quickly recall ho jayega, jisse aapka kafi time bachega and don’t forget Time Is Precious. According to many studies, Jo picture hum dekhte hai vo hume padhi huyi cheez se jyada achi tarah aur saaf-saaf yaad rahti hai, isliye jitni jyada charts and diagrams aap preparation ke time taiyar karte hai exam aapka utna hi acha hota hai. This is a tried and tested thing.

  • Groups Study With Friends

Doston ke saath study time spend karna is a good idea hai. Group discussion, questions put karna, vice versa etc. Ye aapko aapke exam ke liye kafi help karega or aap uss topic ke liye sure bhi ho jayege jisme aapka focus laga hua hai. Sab me se ye ek best tareeka hai apne aap ko challenge dene ka or use pura bhi jarur kare. But Group study me study jyada kare aur masti kam, varna khel ulta bhi ho sakta hai. Agar aapko aisa lagta hai group me study nhi ho pa rhi hai to group se dur akele padhayi kare kyuki aapke liye padhayi jyada important hai.

  • Exam Days Ko Plan Kare

Exam se pahle ready rahe ki aapne sab kuch prepared kar liya hai, nhi to mostly hamare sath aisa hota hai ki last moment me hi hume koi aisa topic yaad aa jata hai jisse hum padhna bhul jate hai. Aapko exam ke time sab kuch plan karna chahiye with friends and classmates. Apne extra time ko bhi ache se use kare jaise bus ka wait karte time, dress pehante time, sone se pahle, etc. Isse aapko revise karne ka kafi time mil jayega. Doston aapko apni study stress me reh kar nhi balki enjoy karke karni chahiye par is baat ka dhyan rakhe ki aapko thoda stress to hona hi chahiye kyuki jarurat se jyada maza kabhi-kabhi saza ban jata hai.

  • Snack On ‘Brain Food’

Exams ke time strictly Junk food se dur rahe. Doston aap kabhi ye bhi sochte honge ki aapko khane ka time nhi mil paa raha hai. Par aap aisa kya khaye ki jisse aapko exam days par energy level or focus par impact pade. To dosto apne body or brain ko fresh rakhne ke liye aap nutritious and healthy food ko choose kare jisse apki concentration or memory increase hoti hai such as fish, nuts, seeds, apple, yogurt and blueberries etc. So dosto exam ki best preparation ke liye aapke liye apne brain or body dono ka khayal rakhna bahut jaroori hai.

So dosto, hamne yahan aapko Exam Ki Best Preparation Ke Liye bahut saare tips diye hai. Bas aapko in tips ko follow karna hai, to aap jarur exam me safal hoge. Agar aap exam me top karna chahte hai to `Exam me Top Karne Ke Tips` bhi jarur padhiye.

And yes, one more thing… agar aapko humare ye Exams Preparation Tips in Hindi pasand aaye ho to just share and like it on Fb and other social media you use. Topperguru.com par aapko exam preparation aur Competition exams se related har information milegi, so stay tuned with us and Be happy. 🙂

140 Comments

Add a Comment

Your email address will not be published. Required fields are marked *