Exam Ke Time Par Kaise Study Kare

Hi doston….. Ye to bahut hi common hai ki hum sab ‘Exams’ word se hi darna start ho jate hai. Isn’t it? Kya kare word hi aisa hai jo ache bhale students ki nind uda de. Main Aarohi aaj aapke liye layi hun ek aisa topic jo aapko Exams ka datt kar saamna karne mein help karega. Aaj ka humara topic hain “Exam Ke Time Par Kaise Study Kare”. Mostly aapne dekha hoga jaise hi final exam ka month start hone lagta hai vaise hi humari nind haram hone lag jati hai, chinta, pasine chutne lagte hai. Lot of time, humari health kharab hone lag jati hai. Doston…. agar aap chahe to is situation ko bade aaram se handle kar sakte hai. So guys aaj aapke topper guru kuch aise hi tips aapke liye laye hai jo aapko “Exam Ke Time Par Study Karne Ka Sahi Tareeka” ke baare me gyan dega… aur aapko is situation se nikalne ka rasta bhi dikhayega.

Exam_Time planing tips steps to follow wallpapers images pics pictures

Exam Ke Time Par Kaise Study Kare Tips

Exam time jise sab students tension time, stress time, sirdard… etc etc bolte hai. Jyadatar students ko Exams pasand hi nhi. Sara saal mauj masti mein nikal ke, exam time mein tension hona lajami hai. ‘Ab Pachtaye Hot Kya, Jab Chidiya Chug Gai Khet‘, jab sara saal moj masti me nikal diya ab kya hoga? Marks kaise aenge? Result ka kya hoga? Gharvale kya kahenge? Result pass hoga ya fail? Ye sab questions dimag me aana savbhavik hai. Aur isiliye aaj hum share karenge kuch tips jisse aap exams ke time me kam waqt hote hue bhi apna best de sake… Remember exams ke end time par aap top nahi kar sakte lekin kaha jata hai, “Bhagte Chor Ki Langoti Sahi”, top nhi kar sakte lekin ache marks to la hi sakte hai. Chaliye time ho gaya ki hum vo tips ke bare me baat kare…

Padhai Ke Doran Apne Senses (hosh) Ka Istemal Kare

Bahot se student ko peppermint (pudina) ke istemaal ka pata nahi hoga. To dosto aaj hum aapko iske profit ke bare me btate hai ki… during study agar aap isse apne muh me rakhte hai to yeah apko alert rakhta hai aur iska asar kafi der tak rahta hai. Aur doston yaad karte time hum apne mann me hi padte hai ya dheere se bolte hai… isse acha agar aap loudly apne notes ko padhe to vo jaldi hi yaad honge. Apne notes ko aap different pen colors me bhi likh sakte hai ya highlighter use kar sakte hai…Ye apko jaldi revise karne aur apko jada time tak yaad rakhne me help krega.

Drink Water And Eat Fruits And Some Exercise

Doston, exams ke time par jitna padhna jaruri hai utni hi jaruri humari health bhi hai. Padhte hue hume energy bhi jyada chahiye… Isliye padhte samay apne pass pani ki bottle ya jug jarur rakhe aur 20-30 min bad thoda-thoda pani piye. Jyada pani pine se humara body temperature thik rehta hai aur weakness na ho isliye fruits jyada khaye.. I repeat, fruits jyada khaye. Aap chahe to break me coffee ya green tea le skte hai, but iske adicted na bane, koi bhi chiz limit se jayda apki health par adverse(ulta) effect dal sakti hai. Jyada se jyada fruits jaise ki apples and blueberries ko khana chahiye. Isse aapke khoon me zahar ki matra kam hogi or memory function improve hogi. I know doston yeah thoda scientific reason hai but this is the real fact. Aapko regular morning me exercise bhi karni chahiye kyuki exercise se humari body ekdum fit rehti hai. Exercise aapki body ke sath aapke mind ko bhi fresh karti hai or dosto agar aap running karoge to fir ye aapke liye sone par suhaga hoga. Ji ha sahi suna aapne, running se humari kisi bhi cheej ko yaad rakhne ki shakti kafi jyada increase hoti hai or sirf itna hi nhi, running se aapke mind ka sara stress or tension khatam ho jati hai. Ab bina stress ke hum kuch padhe or bhul jaaye, aisa to ho hi nhi sakta isliye exam time me daily exercise jarur kare.

Exam Ke Time Par Kaise Study Kare

Doston, aap class me bhi reh kar apni study me improvement kar sakte hai. Aap classmate ki help le sakte hai, teachers ki help le sakte hai. No matter ki aapki performance pura saal kaisi thi, instead of this, agar humare parents ke bad humare future ki kisi ko chinta hoti hai vo teachers hote hai. I personally experienced that. Aap jab chahe teachers se help le sakte hai just ask them, aap ek bar bol kar to dekhiye. Ho sakta hai ki vo may be thoda dantenge but believe me, vo apki help jarur karenge or vaise bhi jab aap pure saal masti karke apni teacher ki dant sun sakte hai to fir kya thodi si dant sunkar apni problem ni solve karva sakte? Aap apne classmate ki help le sakte hai, but remember vo classmate apka friend na ho kyuki sab jante hai hum kitna padhte hai doston ke sath. Even, me khud nhi padh sakti doston ke sath. Bas aapko apne classmate me se kisi ek ko choose karna hai jo aapko as a teacher padha sake. In short, Jab bhi aapko notes me se koi topic samjh na aa raha ho tab aap kisi dusre person se puch sakte hai. Aisa karne se aap apne classmate ki understanding ko samajh kar uske tarike ko sikh payenge or jab do log kisi topic ke upper discuss karte hai to new ideas aate hai jo aapke exam ke liye helpfull rehta hai. So us topic ko repeat kare jab tak vo idea solid na ho jaye. Ek baat aur, koi bhi topic ho, jitna aap kisi single topic ko padhaenge vo aapka sabse jayda strong hoga.

Wear a Watch

I know aaj anroid phone ke jamane me koi wrist watch prefer nhi karta, but remember exam hall me aapko cellphone nhi watch allowed hai. So start wearing a wristwatch. Yeh aadat aapko finals me help karegi kyuki humari mostly yehi aadat rahti hai ki hume cell phone se time dekhna hai. Apni watch apne samne rakhe rather pehnane se. Isse apko time ka pata chalta rahega or exam me sabse important time hi hota hai.

Stuffed Animals (Khilone)

Dosto thoda ajeeb laga na… ki janvaro ke khilono ko kaise teach (padha) kar sakte hai. Aapne dekha hi hoga ki hume mostly padhte padhte neend aati hai. So uss neend se bachne ke liye humare paas ek tarika hai.. kam se kam ek dozen aap stuffed animals ko kharid le or apne study room ya bed me ek classroom ki tarah saja le. Aur khud teacher ban ke vo subject padhaye jo aap learn kar rhe ho. Ye bahut hi important or different part hai study karne ka…. isse apko nind aane ka dar bhi nhi hoga.

Laughing Therapy

Doston, exam ke time humari tension bahut badh jati hai jiski vajah se humare emotions par ulta asar padta hai aur vo humare ander hi band rehte hai. Tension aur stress humare face par saf dikhne lag jati hai. Aise me hume rone ki bajaye hasna chahiye kyuki hasne se tension release hoti hai. Bahut jada stress jab hamare exam ke time par mandrata hai to uska asaar humare dimag ke sath sath humare result par bhi padta hai. Usse bachne ke liye student ko jaroori hai ki vo ek laughing break le. So student ko funny comedy showes ya YouTube video dekh lena chahiye. Lekin limited, kahi aisa na ho ki aap comedy show dekhne ke chakar me2-3 hours waste kar de. I am not responsible for that. Limit se jada koi bhi chiz hanikarak ho sakti hai….

To mere dear friends, ye tha Exam Ke Time Par Kaise Study Kare ke kuch important or majedar tips jo aapko exam me stress free rakhenge or exam ke time aap bindaas rahenge but uske liye hamare tips ko jaroor follow kare. Agar aapke paas same topic se related kuch or tips hai to hume jaroor bataye. Kuch puchne ke liye hume comment box par jaroor comment kare. Aur dosto iss article ko share and like karna na bhule. Be happy….. 🙂

26 Comments

Add a Comment

Your email address will not be published. Required fields are marked *