Apna Time Table Kaise Follow Kare

Ek acha student banne or real personality ko develop karna itna asan nahi hota. Ek acha student banne ke liye aapko apna time management ka pura dhyan rakhna hoga or usko strictly follow karna padega. Time management ke liye sabse phela step hota hai TIME TABLE . Sirf Time Table banane se kuch nhi hoga, use follow karna usse jayda jaruri hai. Apni life ko discipline me rakhna jaruri hai. Aapko physically or mentally strong sirf examination ke liye hi nhi balki har task ke liye hona chahiye. So please follow your time table. Time table hum isliye banate hai taki hum moj masti ke sath-sath apni study par bhi dhayan de sake. Isse hamara time to time study bhi ho jati hai or end time par stress, depression, tension jaisi bimariya bhi nhi hoti. Kafi bar aisa hota hai ki hum bade josh se Time Table bna to lete hai, lekin vo josh follow krte krte dam tod deta hai. Ab saval ye aata hai ki time table ko hum follow kaise kare. Ek hi cheej ko follow krte krte har koi bor ho jata hai, even humare sath bhi aisa hota hai, isliye hum apna secret apke sath share kar rahe hai ki kaise hum apna Time Table follow kar sakte hai kuch aasan si tips ke sath. 

Apna Time Table Kaise Follow Kare in hindi wallpapers images pics

Tips To Follow Time Table

Time Table follow karna thoda muskil ho skta hai, lekin impossible nhi. Ye bat hmesha yad rakhna ki ‘Nothing Is Impossible, When it itself says ‘I M Possible’. Lekin kisi bhi chij ko possible banane ke liye sabse phele aapko apna phela kadam uthana hoga. Ab hum share kar rhe hai kuch tips jise follow karke ap bade hi aram se apne Time Table ko enjoy kar sakte ho.

Mix Things Up

Sabse phele to hume apna time table kuch aise tyar karna chahiye jisme koi bhi task jada lambe time ke liye na ho. Agar aap same thing par constantly kaam kar rahe hai to aap easily and kafi jaldi bor ho jate hai. So aap apne plan me kuch interesting chize mix kar sakte hai. Example apna time table kuch aisa banaye jisme theory subjects lagatar na ho, theory subjects padhte huye bache jaldi bor ho jate hai aur thak jate hai. Time table kuch aisa ho ki theory and practical subjects mix ho so that ap dono padhte huye bor bhi nhi honge aur jaldi thakenge bhi nahi. Isse aap fresh and sath me aur bhi energy ke sath next subject padh payenge.

Aap kuch different learning methods ko use kar sakte hai…..

  • Padh-padh ke bor ho gaye hai to aap topic ko likh bhi sakte hai.
  • Half an hour tak read kare phir uske notes banaye.
  • Audio material ka bhi use kar sakte hai.
  • Watching educational videos.
  • Seminars ya classes attend kar sakte hai.
  • Jo aap yaad kar rhe hai uske bare me aap apne fellow students se discussion kar sakte hai.
  • Yaad karne vale topic se aap diagrams ya pictures draw kar sakte hai jisse aapko vo or ache se yaad ho jaye.
  • Agar aapko sirf kuch likhna hai bt usko yaad karna ya samjhna nhi hai to aap soft music sunte huye us kaam ko kafi jaldi kar sakte hai.

Give yourself regular breaks

Apna Time Table bnate huye, ek bat ke jarur dhyan rakhe ki ap student ho, apne liye time table bna rhe ho, kisi fauji ki training ke liye nhi. Apka schedule itna bhi busy na ho ki aapko saans lene ke liye bhi sochna pade, aur na hi itna free ki aapka syllabus complete hi na ho sake. Agar aap ek particular topic me apna full effort de rahe ho to aapka regular break lena bhi banta hai. Koi bhi ghanto tak ya end tak full capacity ke sath focus rakh sakta hai. Jab aap ek task ke end tak pahunch jao tab apne aap ko ek short break de. Obviously, ye hamare kaam ko or easy bana deta hai. Is break me aap walk kar sakte hai, coffee pee sakte hai or kuch aisa kar sakte hai jisse aapko thodi mentally fresh energy mile or aapko high focus task karne me recharge rakhe. Apne schedule mein exercise ya kuch indoor, outdoor games jarur add kare.

Agar ap meri preference janna chahte hai, to me is break mein meditation karti hu. Meditation ke 10 min meko phele ki tarah fresh kar dete hai. Agar ap Meditation nhi karna chahte then, ap kuch exercise kar sakte hai ya sabse best 1 glass pani pio phir ankhe band karke bs relax ho jayo 10 min ke liye. Believe me, it works alot.

Don’t Over Plan

Ye sabse badi mistake hain, jo hum sab karte hai. Josh me hosh kho kar, apna schedule itna tough bana dete hai jaise hum student nhi hai or hume army ki training ki tyari karni hai aur bas 1 hafta hai selection ka, jiska result ye nikalta hai phele 2 din to hum fauji ki taraf tyar apne time table ko follow karte hai aur tisre din thode dheele rehte hai aur 4th and 5th day humara time table dustbin me najar aata hai. I know, even i did that mistake alot of time. Isn’t it? Ye galti isliye hoti hai kyuki hume khud pta hi nahi hota ki hum ek din me kitne hours aram se padh sakte hai. Hum mostly time table ko dekhne lag jate hai or sochte hai ki topic ko kitna ratta mar sakte hai, usse kitna time lagega. But reality me hum aisa nhi kar pate hai kyuki ratta hua bhi hum baad me bhul jate hai or fir dubara hume vahi padhna padta hai jisse humara din or time dono waste hota hai.

Aapko koi bhi task ho, aap pahle se hi soch kar rakhte hai ki kis kaam me kitna time lagega or baad me realize karte hai ki ek task ne jayada time le liya hai then aapka sara time table bigad jata hai. So dosto over plan karne ki jaroorat nhi hai. Iska ulta effect aap par hi padta hai.

Understand … What You Are Doing

Agar dosto aapko pta ho ki aapne kya karna hai to aapka time barbaad hone se bach jata hai. Sabse pahle aapko apni understanding padhai ke liye increase karni hogi, usee dubara alag alag tarike se likh ke notes bana kar ache se padhna hoga. Isse aap kabhi bhi same chize padhne se bor ni hoge. Aap bullet points ko sentences me turn kar sakte hai or sath hi sath diagrams ki bhi help le sakte hai. Jahan understanding bani rahegi vahan study bhi manage ho jayegi.

Short & Long Term Goals

Last but not the least, apne time table ko aur bhi interesting bnane ke liye usme short term goals aur long term goals jarur likhe. Short term goals me 1 din ka goal, 1 hafte ka goal likhe. Aur Long term me 1 mahine ka, 3 mahine ka, terminal exams ka aur final exams tak ka syllabus cover kare. Isse aapko pta chal jayega ki aapka time table aapke liye kitna successful raha hai. Agar aap 1 din ke goals aur 1 hafte ke goals achieve nhi kar pa rhe hai to be aware, aapko time table change karne ki jarurt hai.

So dosto I hope aapko tips pasand aaye honge. Then share and like karna na bhule. Stay tunned with us to get more tips. Agar aap apna opinion dena chahte hai ya apni problems likhna chahte hai to niche diye gaye comment box me likh sakte hai. Be happy and focused to your goal. All the4 best for your goals…

40 Comments

Add a Comment

Your email address will not be published. Required fields are marked *