Acha Student Kya Hota Hai |Kaise Bane?

Kya aap ek acha student banana chahte hai? Ya fir aaj aap yeh search kar rahe hai ki ek acha student hota kya hai? Ya ek acha student kaise bana jata hai? Agar doston aapke dimag me ye sab chal raha hai or aap social networking site me ye search kar rahe hai to aapki jankari ke liye bta dun ki aap sahi jagah pahoch chuke hai jahan hum aapko btayenge ki Ek Acha Student Hota Kya Hai or sath hi sath ek acha student banane ke kuch tips bhi provide karenge. So dhayan se padhte rahiye humara aaj ka yeh article “Ache Student kya hota hai | Kaise Bane?

Acha Student Kya Hota Hai Kaise Bane tips tarike wallpapers step to be a good student images pics pictures

Acha Student Kya Hota Hai

Today’s students are tomorrow’s leaders. Ek student ki achi qualities uske bright future or career ko determine (nirdharit) karne me great impact dalti hai. So, who is a good student? What are the qualitites of a good student? Historically, ‘Student’ hum use kehte hai, jo kuch na kuch sikhta rehta hai. However, ‘student’ ki recent definition unn sabhi ke liye hai jo school, college or university attend karte hai, study karte hai to get more and more knowledge and professional degrees.

What Are The Qualities Of A Good Student?

  1. Attitude : Basically, ek good student ke paas new subjects sikhne ki ability or willingness honi chahiye. Jab itni dedication hogi, to use apne sab subjects interesting lagne start ho janege. But iske liye kafi important hai ki aap sirf Positive Attitude rakhe. Positive attitude ek ache student ki sabse badi nishani hai.
  2. Academic Skills : Ek good student ke paas comprehensively read karne ki, effectively likhne ki, fluently bolne ki or clearly communicate karne ki ability honi chahiye. Inn sab areas me good command hone se class me student shine karne lagte hai or har koi aapko Good Student kehta hai.
  3. Ability : Ek good student creative way me apna or apne learning results ko apply karta hai or goals ko achieve karne ki ability bhi rakhte hai. Ek acha student agar kisi field me jata hai to apne kaam ko complete karne ki himmat rakhta hai or use humesha pura bhi karta hai.
  4. Time Management : Time ko manage karna, ek ache student ke liye kafi important factor hai jo har student ko khud hi desgin karna padta hai. Baar baar tasks ko delay karna jaise writing assignments, reading text books, etc. karne se teacher par student ka galat impression padata hai. So avoid delaying.
  5. Discipline : Ek good student humesha khud ko discipline me rakhta hai. Aisa bahut baar hota hai ki humara koi kaam karne ka mann nhi karta ya fir teacher kuch karne ko kahe ya fir hume bina baat ke hi daante fir bhi ek acha student kabhi bhi apna discipline nhi bhulta or yahi quality usko sabse acha student banne me help karti hai.
  6. Understanding Rather Than Memorizing Concepts: On the spot humesha doubts ko resolve khud karna ek achi cheez hai. Several surveys suggest karte hai ki students ko concepts memorize karne ki bajaye unhe ache se understand karna chahiye. Memorized ka effect sirf tab tak hi bana rehta hai jab tak students school me rehte hai, par uske baad jaise hi school day khatam hota hai vaise hi yaad kiye huye topics bhi dheere-dheere dimag se jaane lagte hai. Therefore, sabhi students ke liye ye bahut important hai ki vo concepts ko understand karna sikhe.

Now doston abhi tak humne ache student ki sirf qualities ke baare me padha hai but now ab hum ye padhenge ki acha student kaisa bana jata hai. Ab agar aapko bhi ek acha student banana hai to bas humare yeh tips follow kare. Check out below……..

Motivation

Ek good student banane ke liye, aapka motivate hona bahut jaroori hai. Doston motivation apne aap se nhi aati ye logo ki situation ko dekh kar aati hai like parents sara din bhar kaam karke hume ache schools me padhate hai jisse hume motivate hona chahiye agar vo humare liye hard work karte hai to kya hum unko khush karne ke liye ache grades nhi laa sakte hai or hum example ke liye, unn poor bacho ke bare me bhi soch sakte hai jo schools nhi jaa pate, unki situation ko dekh kar hume motivate hona chahiye. Doston aap khud soche ki bina school ke ghar me padhna kitna mushkil hota hai. Hume khud ko ye yaad dilana chahiye ki ek achi education se hum apni whole life or dusro ki bhi life better bana sakte hai. Ye sab karne ke liye confidence ka hona bahut important hai. Apni life ko enjoy karte huye use better banane ka soche or dusro ko bhi motivate karte rahe. Kabhi bhi apne aap ko study ke liye force na kare, balki interest ke sath padhai kare.

Concentration On Studies

Concentration follows eagerness. Concentration ke liye class me attentive rehna bahut important hai. Jab teacher aapko kisi topic ke baare me padha rahe ho to apne doston ke sath aisi situation me chat karna mostly avoid kare. Isse aap khud ko or dusro ko bhi distract karte hai jisse study dhang se nhi ho pati. Even that, aap yeh dekha kare ki aapke class ke students kitni progress kar rahe hai or agar aap ek good student hai to aapko better kaam karna chahiye or apne goals ko achieve karna chahiye or apne un sabhi progressive classmates se competition karna chahiye. Kabhi bhi padhte time aap distracted feel kare to 15 minutes ya usse kam ka break jarur le or kuch bhi masti kare chahe to aap unrelated story books bhi read kar sakte hai. Isse aap refresh feel karege or ek new energy ke sath work karege. Concentration study me banye rakhne ke liye conflicts and cheating ko totally avoid kare. Sikhne ke liye be honest with yourself and others. Agar aapko kisi question ka answer nahi pta to revise it, but never cheat yourself.

Behavior

Aapke behavior se hi aapka future decide hota hai, jo ki aapke liye bahut hi important cheez hai. Textbooks ko padhna or 100% achieve karna humesha enough nhi hota hai. Sirf school me hi nhi, aapko ghar me or apni social life me bhi ek acha behavior rakhna chahiye. Always use good manners in class. Jab koi do baat kar rahe ho to aapko kabh bhi unhe interrupt nhi karna chahiye. Agar aapke paas koi kehne ko koi achi baat nhi hai to apna muh band hi rakhna chahiye. Difficult situations me humesha apne friend ki help kare. Humesha sirf good reputation ke liye hi har kaam nhi karna chahiye balki apne good future and khud ke liye bhi hume kabhi koi kaam karna chahiye. Agar koi aapke sath rude ho raha hai to kabhi bhi laugh karke usko encourage na kare because ye bad behavior hai or aapki habit bhi ban sakti hai. Ho sakta hai aapko humari baatein aaj ek lecture ki tarah lag rahi ho par in sab baato ko ek lecture ki tarah hargis na le, balki ek guideline ki tarah soche or ise follow kare. Har student ka behavior hi sabse pehla aata hai and then academic participation. Aapka behavior aisa hona chahiye ki log aapse impress ho jaye or fir sabhi aapko good student kahege.

Management

Ek good student janta hai ki vo apni study ko kaise manage kar sakta hai or aapni study manage karna sikhna padega. First of all, aap chahe jahan marji study kare but uske liye ek basic study table hona bahut jaroori hai. Dim light me kabhi bhi study/read na kare. Agar aap ek subject ko padh padh kar bore ho chuke hai to, jisme aapka interest hai use study kare. We all know the saying, “All work and no play makes Jack a dull boy”. Yes, agar study puri night karege or vo bhi bina kisi interest or khel khud ke, to isse stress aap par haavi ho jayega and next morning tak aap sab kuch bhul jayege. Kam se kam hume 2 hours tak khelna chahiye. Agar aap evening time me bahar khelne jaate hai to aapko internally fresh feel hoga or mann bhi humesha khush rahega. Ye energy aapko extra strength degi jisse aap koi bhi kaam easily kar sakoge. Aapke apne liye ek timetable banana chahiye. Apne subjects ke hissab se time table ko set kare. Study ke sath sath good sleep bhi bahut jaroori hai isliye dhayan rakhe ki time table me sirf kaam, or kaam, or kaam na ho. Human ko 6-8 hours sone ke liye chahiye hota hai isliye apni nind jarur puri kare.

Helping Others And Advising

Khud ko improve karne ke sath sath hume apne skills ko dusro ko liye use karne chahiye. Study partners are a wonderful tool, so use it. Partner ke sath study karne se time bhi save hota hai or jaldi yaad karne me bhi help milti hai. Hume apni assignments ko half-half parts me divide karke reading karni chahiye. Aapko notes banane ki strategies use karni chahiye like Venn diagrams, outlines, note cards, coloured highlighters. Jab aap topic ko samjhne lag jaye to ek dusre ko teach karna start kar de kyuki isse aapke partner ko bhi sab jaldi samajh aata hai and aapko vo topic ache se yaad bhi ho jata hai. Also, explain it to the other persons. Apni explanation ko apne partner ki understanding ke sath adjust karna sikhe. Jitni ho sake utni knowledge gain kare kyuki jis student ke pass a bit extra knowledge hoti hai use teachers bhi pasand karti hai or vo apne aap ache students ki list me aa jata hai. Iss knowledge ko gain karne ke liye libraries me jaa kar extra books read kare. Confusion hone par teacher ki help le or apne sabhi doubts clear kare.

So guys here we shared with you some tips about Acha Student Kya Hota Hai aur Acha Student Kaise Bana Jaye. Umeed karte hai ki aapko humare through diye gaye tips pasand aa rahe honge. To like and share karna na bhule doston. To get more stuff about other topic, stay tuned with us on TOPPER GURU. Thankx for visiting our site and Be Happy.

8 Comments

Add a Comment

Your email address will not be published. Required fields are marked *