1600 Meter Race Tips In Hindi | Indian Army Running Tarike

Running Ko Kase Fast Kare Tarike Hindi Mein

1600 meter running 5 min me kaise kare, Fast kaise dodhe, Konsi exercise kare jisse running tej ho etc etc. Running ko lekar humare dimag me na jane kitne aur kaise kaise questions aate hai. Jinka answer dhudhne ke liye kabhi kissi se baat karte hai, kabhi kissi book ko padhte hai, to kabhi aajkal ka sabse asaan tarika Google karte hai. Hai na? Aap bhi yahi karte honge. Govt. job like army, police me to jaise running ke bina entry hi ban hai. Mostly peoples running police, army ya athelete banane ke liye karte hai. Kuch log khud ko fit and fine rakhne ke liye karte hai. Running ek bahut achi habit aur exercise hai. Running ke liye sabse jaruri hai STAMINA. Agar stamina accha ho to running me jayda thakan nhi hoti. Running ke related kaphi questions humare paas daily aate hai, isliye aaj hum aapke sath share kar rahe hai ‘1600 Meter Running Tips in Hindi‘. We hope aapko humara topic aur points helpful honge.

1600 Meter Race Tips In Hindi Indian Army Running Tarike all-time-running-tips-for-beginners-jogging-tips-for-beginners

1600 Meter Running Tips in Hindi 

My dear friends, hum running ke bare me jayada baat na karte huye, direct apne topic ki taraf chahlte hai ‘1600 Meter Running Tips in Hindi‘.

Slow Start Karein

Jaydatar people ye galti karte hai ki starting me hi puri energy laga dete hai, jo ki bahut galat sabit hota hai. According to experts, Jab bhi aap race start karte hai ya running start karte hai to slow start kare, kyuki slow start karne se aapki body running form me aati hai, phir aap dheere dheere apni speed badha sakte hai. Iska sabse acha example hai, bike, car etc. Jab hum bike ko start karte hai to phele race thodi slow rakhte hai, kyuki agar hum speed ek dum badha denge to accident hoga. To hamesha doston, yaad rakhe jab bhi race lagaye ya running kare to start slow se kare. Aisa karne se chest pain bhi nhi hota.

Plan Banaye Aur Goal Decide Kare

Friends, koi bhi kaam ho chahe chota ya bada, bina planning ke vo acche se nhi hota hai. It is said that, A Good Planning is equal to Half Work Done. Ek acchi planning ka matlab hai ki aapne half-way ( adha rashta) pura ho jaata hai. Sabse phele apna goal decide kare, agar aap first time running karne vale hai to goal chota banaye. Goal hamesha real hona chahiye aisa na ho ki goal aap first time me 1600 meter a rakh le aur fir pura na hone par, frustrate ho jaye. Goal banye, usse ek paper par likhkar apni diwar par laga le aur roj 10 min dekhe. Iss goal ko pura karne ke liye plan banaye.

Progress Chart

Jitni important planning hai, utni hi important progress chart hai. Ek progress chart banaye jisme aap note kare ki aap apni race kitne time me khatam ki hai. Kya aapka target acheive hua hai? Agar han to very good. In case aapka target acheive nhi hua hai, to apni galti dhundhe. Aur phirse koshish kare.

Stretching Karein

Aapne shayad kabhi socha nahi hoga ki stretching aap ka running stamina badhane me kitni help kar sakti hai. Stretching karne se muscle fatigue (thakan) kam hoti hai aur jayda der running karne ki capacity milti hai. Jaise exercise ke pehle warm up jaruri hai, waise hi running se phele bhi halka warm-up( stretching) jaruri hai taki aap running ke time aur ache se perform kar sake. Running ke baad bhi heartbeat or breathing rate ko normal karne ke liye cool down bhi zaroori hai, uske liye bhi light exercise kare. Isse muscluar pain nhi hota. REMEMBER, stretching ka matlab ye mat samjh lena doston, ki stretching karte time itne stretch ho jao ki running hi miskil ho jaye. Utni hi stretching kare jitna aapki body allow karti hai.

Hills Pe Running Karna

Hills pe running karna muskil toh hai but isse aapki Legs, Heart aur Lungs ki strength badhti hai aur ye sab jayda der tak running karne ki stamina me aa jaate hai. Isse aapki endurance bhi badhti hai. But agar koi hilly area nahi hai toh treadmill hi prefer karein aur agar ho sake toh apni pahle preference koi inclined surface ko hi de.

Aapke Shoes

Shoes ke bina running ke bare me sochna is like impossible. Shoes ke sath sochna lekin sahi size ke shoes na hona bhi ek problem hai. Aapke shoes thode se bade aur chode hone chahiye, jsme aap comfortable feel kare. Maine kah padha tha ki Shoes vo pehne chahiye jo aapko leke chale, na ki jihne aapko uthana padhe. Shoes light weight hone chahiye, nhi to aapko running ke time aapne shoes ka weight uthana padega. Running ke liye shoes lete time dhyan rakhe.

Relax Rahe

Running karne se phele relax rehna bahut jaruri hai. Agar aap relax nhi rahenge to apna 100 % nhi de paenge. Aur doston, ye baat sirf running ke liye nhi, humari life me sabhi kaamo par appicable hai. Relax rehkar kaam bahut acche se kiya ja sakta hai, aur vahi kaam kissi tension ya jabardasti kiya jaaye to vo pura nhi hota. So running se phele relax rehna bahut jaruri hai. Running se phele ya running ke time music sunne se body kaphi relax rehti hai.

Balanced Diet Lein

Agar aap sach me ye sab running schedule aur exercise ko follow karte hai toh aapko body ko fuel up karna bhi bahut zaroori hai. Agar aap ki body ko required Diet nahi milege toh wo itna kaam bhi kaise kar payegi. Isliye apni body se aap jitni output chahte hai utni hi usko input bhi jarur dein. Toh iske liye apne Diet me jitna ho sake Protein, Carbohydrates, Iron, Magnesium jaise ingredients ko jyada se jyada include karein. Sabse jaruri apni diet me liquid diet like nimbu pani, juice, glucose etc add kare. Liquid diet digest jaldi hoti hai aur hume energy jayda deti hai.

Good Sleep

Agar aap running ko improve karna chahte hai to aapni neend par dhyan dena bahut jaruri ha. Humari body aur mind ek machine hai, machine ko rest chahiye hota hai. Body aur mind ko ek time par rest dene ka sabse accha tarika hai Good Sleep. Achi neend utni hi jaruri hai jitni jaruri achi diet, achi planning, stretching hoti hai.

Khud Ko Motivate Kare

Motivation ek aisa word hai, ek aisi technique hai jo humare passion, enthusiasm ( utsah), josh ko kabhi kam nhi padhne deti. Khud ko Motivate karne se negativity aas paas nhi aati. Khud se roj mirror me kahe, I am very good, I can do this. Beleive me friends, is choti se technique ko use karke kam efforts laga kar bhi results kaafi acche aate hai. Roj raat me sone se phele 10-15 min Motivational Books like I Can Do This, etc. padhne se postivity bani rehti hai.

So friends, this was our topic  ‘Indian Army Running Tarike’. We hope aapko isse help milegi. Apne views aur experience regardings running aap hume niche comment box me likh sakte hai, hum jaldi reply karenge. Do like and share our page on social sites. Humare sath uhi jude rahiye aur bhi new topics ke liye. Hum jaldi phirse kuch naya lekar hajir honge… 🙂

79 Comments

Add a Comment

Your email address will not be published. Required fields are marked *